Komxebata Têkoşîna Li Dijî Bendîyê bi beşdariya Parêzgerê Şirnexê Ali Hamza Pehlivanî, Şaredarê Şirnexê Mehmet Yarkayî, Rektorê me Prof. Dr. Mehmet Emin Erkanî, Fermandarê Cendirmeyan ê Parêzgehê Albay Murat Bozkurtî, Midûrê Emniyeta Parêzgehê Cemal Dalmanî, rêveberên saziyên cemaweriyê û nûnerên saziyên sivîl pêk hat. Parêzger Ali Hamza Pehlivanî li vir axivî û got "Têkoşîna li dijî her cûre bendîyê, bi taybetî narkotîkê, ji bo jinavbirina bendîyê ko birîna xwînrêj a cîhanê ye, xebatek mezin hewce dike."Di vekirina Komxebata Li Dijî Bendîyê ya li Salona Kongreyê ya 15ê Temmuzê hatî lidarxistin bi hevkariya Zanîngeha me, Parêzgerîya Şirnexê, Şaredarîya Şirnexê, Midûriyeta Tenduristiyê ya Parêzgehê û gelek saziyên fermî û sivîlên Şirnexê beşdarbûn û biaxaftina Rêveberê Tendirustiya Parêzgehê Dr. Osman Özdemir dest pê kir. Bi bîr xist ko sedsala 21-an bi teknolojiyê cûreyên bendîyê ya li seranserê cîhanê zêde kiriye. Dr. Özdemirî anî ziman ko ji ber titûn, alkol, tiryak, madeyên hişber û xelet bikaranîna teknolojiyê hema hema li her welatî tendurustiya kes û civakan xirab dike.Parêzgerê Şirnexê Ali Hamza Pehlivanî ko pişt re derket ser dikê, destnîşan kir ko tiryak birîna xwînrêj a hemû cîhanê ye. Parêzger Pehlivanî di berdewamiya axaftina xwe de wiha got; “Ji bilî têkoşîna navneteweyî ya li dijî tiryakê, di asta neteweyî de jî xebatên me yên ji dil hene. Li gel vê jî em bi saziyên xwe yên giştî û rêxistinên sivîl re li ser esasê parêzgehî ji bo biryar girtin û cîbicîkirin û lêkolînên piralî yên di qadê de hevdîtinan pêk tînin. Ligel ko me ji ber şewba vîrûsa koronayê hinek kêm kir jî, em bi sazî û rêxistinên din re bi awayekî organîze li qadan çalakiyan dimeşînin û bi taybetî jî kontrolkirina ewlehiyê û kontrola polîs û cendirmeyan vê têkoşînê pêk tînin. Em têkoşîna li dijî tiryakê ya ku girîngiyeke jiyanî ye û nirxên madî û manewî yên civaka me tê xerakirin, ne tenê wekî pirsgirêkek nîzama giştî nabînin, lê belê em zêdetir girîngiyê didin çavkaniya wê. Di vî warî de em bi zanîngeh, şaredarî, midûriyeta tenduristiyê ya parêzgehê, muftî, midûriyeta perwerdeya neteweyî ya parêzgehê, midûriyeta perwerdehiya gel û hemû saziyên giştî û sivîl re dixebitin. Weke ko tê zanîn tiryak ne tenê dînamîtan dixe bin nirxên civaka me, gelek rêxistinên terorê li ser ciwanên me bendîyê dimeşînin û ev jî dibe sedema êrîşên pir giran li dijî aboriya welatê me."Dûv re, pisporê tenduristiya giştî Pisporê Dr. Burcu Demirê jî li ser Lêkolînên Daxwaz û Têkoşînê pêşkêşiyek kir.Rektorê me Prof. Dr. Mehmet Emin Erkanî da zanîn ko di çarçoveya têkoşîna li dijî tiryakê de bi Midûriyeta Polîsan a parêzgehê re gelek hevdîtin pêk anîne û di çarçoveya van hevdîtinan de ji bo xwendekaran çalakiyên hişyarkirinê li dar xistine. Rektorê me Prof. Dr. Erkanî, diyar kir ko wan yekîneyeke têkoşîna li dijî bendîyê ava kirine, bi YÖK û zanîngehên ko di têkoşîna li dijî bendîyê de xwedî zanîn û ezmûn in re hevahengî kirine û ya herî girîng jî destnîşan kir ko ji bo têkoşîna li dijî tiryakê dersên hilbijartî didin.Şaredarê Şirnexê Mehmet Yarkayî, diyar kir ko weke şaredarî ewê di çarçoveya têkoşîna li dijî bendîyê de destekê bidin xebatên afîşên li ser bîlboardan û destnîşan kir ko divê cerdevanên şevê avahiyên terkî yên li navenda bajêr timî kontrol bikin.Komxebata Têkoşîna Li Dijî Bendîyê piştî pirs-bersiva bi dawî bû.
19.04.2022 | Şırnak Üniversitesi